Pulènta e galèna frègia e un
fantasma in sôe la veranda
barbèra cume' petròli e anca la lôena
me paar che sbanda
cadrèga che fa frecàss e buca vèrta
che diis nagòtt
dumà la radio sgraffigna l'aria e i
pensee fànn un gran casòtt
L'è mea vèra che nel silenzio dorma
dumà la malincunìa
l'è mea vèra che un tuscanèll l'è
mea bòn de fa una puesìa
in questa stanza senza urelògg bàla
la fata e bàla la stria
in questu siit senza la lüüs che diis
tücoos l'è duma' l'umbrìa
E scùlta el veent che pìca la pòrta
cun in cràpa una nìgula e in bràsc una sporta
el diis che g'ha deent un el regàal me
sa che l'è el sòlito tempuraal
E scùlta i spiriti e scùlta i fulètt
che ranpèghen sôel müür e sòlten fôe di cassètt
g'hann sôe i vestii de quand sèri
penènn i ne vànn e i ne vègnen cun't el büceer del vènn
E la candela la sta mai ferma e la se
môev cumè la memoria
anca el ràgn sôe la balaüstra ricàma
el quadru de la sua storia
la ragnatela di mè pensèe la ciàpa
tütt quèll che rüva scià
ma tanti voolt la g'ha troppi bôcc e
l'è tüta de rammendà
La finestra la sbàtt i all, ma la sà
che po' mea na' via
e i stèll g'hann la facia lüstra cumè
i ôcc de la nustalgìa
in questa stanza senza nissôen, vàrdi
luntàn e se vedi in facia
in questa stanza de un òltru teemp, i
mè fantasmi i làssen la traccia
Davide Van De Sfroos
(Polenta e gallina fredda e un fantasma
sulla veranda, barbera come petrolio e anche la luna mi sembra che
sbandi... seggiola che fa rumore e bocca aperta che non dice niente,
solo la radio graffia l'aria e i pensieri fanno un gran casino... non
è vero che nel silenzio dorme solo la malinconia, non è vero che un
toscanello non è capace di fare una poesia, in questa stanza senza
orologi balla la fata e balla la strega, in questo posto senza la
luce che dice tutto è solo l'ombra.... E ascolta il vento che
picchia alla porta con in testa una nuvola e in braccio una borsa
dice che ha dentro un bel regalo mi sa che è il solito temporale....
E ascolta gli spiriti e ascolta i folletti che si arrampicano sul
muro e saltan fuori dai cassetti indossano i vestiti di quand'ero
piccolo e vanno e vengono con il bicchiere del vino.... E la candela
non sta mai ferma e si muove come la memoria, anche il ragno sulla
balaustra ricama il quadro della sua storia, la ragnatela dei miei
pensieri prende tutto quello che arriva ma tante volte ha troppi
buchi ed è tutta da rammendare... La finestra sbatte le ali, ma lo
sa che non può andar via e le stelle hanno la faccia lucida come gli
occhi della nostalgia, in questa stanza senza nessuno guardo lontano
e mi vedo in faccia, in questa stanza di un altro tempo, i miei
fantasmi lasciano la traccia...)
Nessun commento:
Posta un commento